Categories
Z! Extra

“Zanzibar inathamini michango inaotolewa na taasisi za kiraia” – Mhe. Harusi Said Suleiman

Serikali ya mapinduzi ya Zanzibar imesema inathamini michango inayotolewa na taasisi za kiraia katika juhudi za kukabiliana na maradhi yanayosababishwa na virusi vya corona.

Akizungumza baada ya kupokea msaada wa vifaa kinga dhidi ya maradhi hayo vilivyotolewa na jumuiya ya waratibu na waendeshaji wa shughuli za utalii zanzibar naibu waziri wa afya harusi said suleiman amesema msaada huo utasaidia kwa kiasi kikubwa kujikinga na maradhi hayo.

Aidha amewataka wananchi kuendelea kuchukua tahadhari juu ya kujikinga na maradhi hayo kwa kufuata miongozo na utaratibu uliowekwa na serikali.
Nae mwenyekiti wa jumuiya hiyo hassan ali mzee amesema msaada huo ni wa awamu ya mwanzo ambapo awamu ya pili wanatarajia kuelekeza msaada wao katika sehemu za kijamii.

Categories
Z! Extra

Vifaa zaidi vya uchunguzi vyahitajika kuongezeka katika bandari ya Malindi kukabiliana na Corona

Serikali ya Mapinduzi Zanzibar imesema vifaa zaidi vya uchunguzi wa maradhi ya Korona vinahitajika kwa wananchi wanaoingia na kutoka katika bandari ya Malindi Zanzibar ili kukabiliana na wingi watu wanaingia katika bandari hiyo.Naibu waziri ujenzi, mawasiliano na usafirishaji, Mhe. Mohammed Ahmada Salum amesema serikali ina wajibu wa kuhakikisha wakati wowote wananchi wake wanakuwa salama hivyo ni vyema kuona huduma zote zinahitajika katika kuimarisha usalama huo.

Amesema eneo hilo linatumiwa na watu wengi hivyo ni muhimu kuimarisha mazingira ya maeneo hayo kwa kuongeza vifaa na maeneo ya kuhifdhia watu watakaobainika kuwa na dalili za maradhi hayo.

Amevitaja baadhi ya vifaa na miundombinu inayohitajika katika maeneo hayo amesema ni pamoja na mahema, vyoo, mashine za kufanyia uchunguzi na vitu vingine vinavyohitajika katika eneo hilo.

Nae Mkurugenzi Mkuu wa Shirika la Bandari Zanzibar Kapten Abdallah Juma Abdallah amesema shirika hilo litasaidia ununuzi wa baadhi ya vifaa vya kuchunguzia maradhi hayo ikiwemo mashine za kupimia joto.

Categories
Z! Extra

“Watakaokiuka agizo la Serikali la kuzuia watachakulia hatua kali za kisheria” – Mhe. Khamis Juma Maalim

Waziri wa Katiba na Sheria Zanzibar, Mhe Khamis Juma Maalim amesema Serikali haitowafumbia macho Wananchi wanaokaidi agizo lililotolewa na Serikali la kuzuia mikusanyiko katika maeneo yao.

Akizungumza na Vijana wa Timu ya Mpira Nyarugusu amesema Serikali imepiga marufuku mikusanyiko, hivyo Vijana hao kuendela kucheza Mpira wa Miguu katika Kiwanja hicho ni kosa kisheria.
Amesema Serikali imetoa agizo hilo si kwa ajili ya kuwakomoa Wananchi bali waweze kujikinga na kupunguza janga la Corona linaloiathiri Dunia kwa sasa, hivyo si vyema kufanya Ukaidi.
Mbali na hayo amewaagiza Viongozi wa Shehia, halmashauri na Mabaraza ya Manispaa kusimamia Agizo la Serikali na kuwafikisha katika sehemu husika watakapowabaini wanakwenda kinyume na maelekezo hayo ili wachukuliwe hatua za kisheria.

Categories
Z! Extra

COVID-19: Mwanaume aliyekiuka amri ya kukaa nyumbani aliwa na mamba Rwanda

Mwanaume mmoja nchini Rwanda ambaye alikiuka amri ya kukaa nyumbani ambayo inaendelea kutekelezwa nchini Rwanda na kuamua kwenda kuvua samaki ameuawa kwa kuliwa na mamba, Meya wa wilaya ya Kamonyi kusini mwa Rwanda ameiambia BBC.

Alice Kayitesi amesema kuwa tukio hilo lilitokea siku ya Jumatano asubuhi katika mto Nyabarongo.

“Alikua amekiuka sheria ya kukaa nyumban, alikua ni miongoni mwa watu wachache hapa ambao hawaonyeshi ushirikiano katika sheria hii ya kukaa nyumbani ili kuzuwia kusambaa kwa coronavirus ,” Bi Kayitesi amesema

Serikali ya Rwanda iliweka amri ya kukaa nyumbani siku ya Jumapili kutokana na kuendelea kuongezeka kwa kasi kwa visa vya Covid-19.
Rwanda imethibitisha kuwa na visa 40, vya maambukizi , idadi hiyo ikiwa ni ya juu zaidi kuriko mataifa mengine ya Afrika Mashariki.

Kufungwa kwa shughuli za kiuchumi katika nchi hiyo kumwewaathiri watu wengi wenye kipato cha chini.

Serikali imesema kuwa itawasaidia wale wanaohangaika wakati wa hatua kali za kudhibiti maambukizi.
Wakati huo huo idadi kubwa ya polisi wamesambazwa katika maeneo mbali mbali ya Rwanda ili kuhakikisha watu wanatekeleza amri ya kukaa nyumbani, kwa ajili ya kudhibiti maambukizi ya virusi vya corona.

Wale ambao wametajwa kuwa ni wafanyakazi muhimu, kama vile madaktari na wauguzi, wafanyakazi wa maduka ya jumla na waandishi wa habari, wanaruhusiwa kutoka nyumbani.

Categories
Z! Extra

Kampuni ya Ali Baba na Serikali ya Ethiopia yatoa msaada wa vifaa vya kupambana na Corona

Waziri wa Afya wa Tanzania, Mhe. Ummy Mwalimu amethibitisha kupokea vifaa vya kitabibu kwa ajili ya kupambana na virusi vya Corona, ambavyo ni msaada kutoka kwa tajiri mkubwa nchini China Jack MA


Vifaa hivyo ni barakoa (mask) 100,000, vipimo 20,000, na mavazi ya kujilinda (protective suits) 1,000, ambavyo vimegawiwa kwa kushirikiana na Serikali ya Ethiopia kupitia kwa Waziri Mkuu Abiy Ahmed Ali.

Categories
Z! Extra

Breaking News: Waziri wa Afya Zanzibar atangaza kisa kingine cha Corona

Waziri wa afya visiwani Zanzibar, Mhe. Hamad Rashid Mohammed ametangaza kugundulika kwa mgonjwa mwingine ambaye ana virusi vya corona.

Waziri Hamad amesema kuwa mgonjwa huyo mwanamke ambaye ni raia wa Ujerumani anatajwa kuwa alikuwa ni mpenzi wa mgonjwa wa kwanza aliyegundulika wiki mbili zilizopita hapa Zanzibar. Kwa sasa mgonjwa huyo amehifadhiwa katika hospitali ya Kidimni.

Pia ameeleza kuwa visiwani Pemba yupo mshukiwa mmoja ambae alifanyiwa vipimo na kugundulika hana ugonjwa huo na sasa amehifadhiwa karantini.

Categories
Z! Extra

Rais Magufuli apima Corona Dodoma

RAIS John Magufuli leo amepima joto la mwili katika harakati za upimaji zinazoendelea nchini na duniani kote kugundua na kukabiliana na mambukizi ya homa ya virusi aina ya Corona.

Amefanya hivyo kabla ya kuingia katika ukumbi wa baraza la mawaziri kuongoza kikao cha baraza hilo hko Chamwino, Dodoma.

Kipimo hicho hutumika miongoni mwa vipimo vya awali ambavyo hutambua iwapo mtu ana dalili za virusi hivyo kabla kufanyiwa kipimo kikubwa.

Mkuu huyo wa nchi amefanya hivyo ikiwa pia ni sehemu ya kuwahamasisha wananchi kuchunguza afya zao na kuchukua tahadhari kuhusu ugonjwa huo hatari ambao umeua maelfu ya watu duniani kote.

Kikao hicho kimehudhuriwa na Makamu wa Rais, Samia Hassan; Waziri Mkuu, Kassim Majaliwa; mawaziri wote, manaibu mawaziri na viongozi wakuu wa vyombo vya ulinzi na usalama.

Categories
Z! Extra

Jinsi wahalifu wa mtandaoni wanavyoongeza hofu katika jamii

Wataalamu wa masuala ya usalama wamesema kuwa, mlipuko wa virusi vya corona umefanya wahalifu wa mtandaoni kutumia mwanya huu kutapeli watu pia.

Wahalifu wa mtandaoni wanawalenga watu binafsi pamoja na sekta mbalimbali kama usafiri, utalii, afya, elimu, bima na shughuli nyingine.

Barua pepe za ulaghai ambazo zinaandikwa kwa lugha ya kiingereza, kifaransa, kiitaliano, kijapani na kituruki zimebanika.

BBC imefuatilia barua hizo.

Kuna barua ambazo zinaelekeza wapi watu wanaweza kupata tiba ya corona. Watafiti katika makosa ya kihalifu wamethibitisha kuwa waligundua barua pepe ambayo hawakuielewa kutoka kwa wateja mwezi Februari.

Ujumbe ukiwa umetoka kwa daktari anayedai kuwa kuna chanjo ambayo imebainika iliyotengenezwa na serikali ya China na Uingereza.

Inawataka watu kufungua nyaraka hiyo ambayo ina maelezo kuhusu chanjo.

Barua pepe zipatazo 200,000 zimetumwa kwa wakati mmoja kwa watu tofauti. Sheria ya mtandao imesaidia kiasi gani Tanzania kupambana na uhalifu?

“Tumeona mawasiliano mengi kwa siku kadhaa ambazo zinafanya kampeni kuhusu corona ambayo haieleweki, wengi wakiwa wanawaogopesha watu ili kuwashawishi wafungue nyaraka hiyo.” alisema Sherrod DeGrippo kutoka katika kampuni ambayo inafanya utafiti wa vitisho hivyo vya mtandao.

Utafiti unasema kuwa utapeli huo unafanyika kila siku.

Ukweli ni kwamba kampeni hizi za uhalifu mtandaoni zinapata mapokeo yaliyogawanyika.

Cha muhimu tu ni kwamba watu wasifungue nyaraka hizo ambazo zinazunguka mitandaoni kuwatapeli.

Categories
E! News

Mwana FA na Sallam SK wathibitisha kuwa na maambukizi ya COVID19 (Corona)

Mwanamuziki wa Bongo Flava nchini Tanzania, Hamisi Mwijuma, maarufu Mwana FA ameandika kwenye ukurasa wake wa Instagram kuwa amegundulika kuwa ameathirika na virusi vya COVID- 19 au corona.

FA amesema alifanya vipimo hapo jana na kupatiwa majibu yake hii leo vilivyobainisha kuwa ameathirika na virusi hivyo.

Katika kipande chake cha video alichokiweka kwenye mtandao huo, Mwana FA alieleza kwenye ukurasa wake kuwa alitoka Afrika Kusini juzi na kubaini kuwa joto lake la mwili halikuwa la kawaida.

”Sababu ya kufanya hivyo nilikuwa natoka safarini Afrika Kusini, joto langu la mwili lilikuwa halieleweki, linapanda, linashuka hivyo nilivyorudi kwa sababu habari duniani inayofahamika ni hiyo nikawa nimejitenga ili kuhakikisha siwaathiri watu wengine”.

Mwanamuziki huyo amesema kwa sasa ile homa aliyokuwa akiihisi juzi kwa sasa haipo tena lakini bado amejitenga wakati afya yake ikiendelea kuimarika.

Awali mbali na mwanamuziki huyu pia menaja wa Diamond Sallam SK naye pia amethibitisha kuwa na virusi vya corona lakini mpaka sasa amesema anaendelea vizuri.

Categories
Uncategorized

Ison Mistari {zenji boy} amekabidhiwa cheti cha best track of the year 2018-2019


kwa mara ya kwanza tumekabidhi cheti kwa Zenji Boy cha best track of the year kupitia #kishindokwetuchart 2018-2019 wimbo wa #monster ambao umeandaliwa na Walid Ecta Stone Town Records ulikaa katika nafasi ya kwanza kwa wiki sita ukawa ndio wimbo wa kwanza kukaa katika chati hii kwa muda mrefu record hii ilibaki mpaka march 2019 ndio ikavunjwa
#kishindokwetu top5 inaskika kila siku ya alhamis ndani ya 96.9 zenjfm radio katika kipindi cha superbaz
mwanzilishi wa chart hii fupi zaidi ni Mwenenu Binnassib na ndio mtangazaji wa kipindi hiki na founder/managing director Mwenenu Media online tv ambao ndio watoaji wa cheti hiki tufuatilie youtube soon kushuhudia makabidhiano haya

asanteni wadau na wasikilizaji kwa ushiriki wenu wa kujirekodi video clip lakini pia kuchagua wimbo huu kwa ujumbe mfupi nani atapata cheti hiki kwa mwaka 2019-2020

Categories
Our Opinion

Maoni yetu: Sauti za Busara, tamasha la kimataifa ambalo wasanii wa nyumbani hawalio

Leo nimejisikia kuronga jambo kwa nia njema na kwa kushangazwa kwangu. Sauti za Busara ni  tamasha la kimataifa linalofanyika hapa nyumbani zanzibar kila mwaka hakuna asiyelijua, mataifa kwa mataifa hufunga safari kuja kushuhudia tamasha hili na wasanii kila kona ya dunia wanalililia kushiriki katika tamasha hili.

Lakini wako wapi wenyeji wa tamasha hili mbona siwaoni kwa wingi, wenyeji hawa ninaowazungumzia mimi si tu watanzania bali zaidi ni wasanii wa zanzibar. Tena wale tunaoitwa kizazi kipya tumekutwa na nini? Sitaki kuamini kwamba hatujui ukubwa wa hili tamasha au umuhimu wake sio kweli, tunajua. Huenda ukawa unajiuliza vipi na huku wanabaniwa? nikupe jibu kwa ufupi hapana hawabaniwi utanielewa muda sio mrefu.

Niseme ukweli tumezidi kuwa nyuma katika mambo ya msingi mambo ya kukuza biashara yetu na tumekuwa mbele kwenye mambo ya kuangusha muziki. Mimi kumbukumbu zangu nawakumbuka wasanii wachahe sana kushiriki kwenye hili tamasha kama Zeetown Sojaz Snipers (2015), Rico Single (2015,2017) na  Zenji Boy ambaye mpaka sasa ufuatiliaji wangu unaniambia ndio msanii pekee atakaye panda jukwaa la busara linalotarajiwa kuanza 16/2/2020 panapo uzima, Na wapo wengine wasanii wa miaka ya nyuma walishiriki katika tamasha hilo lakini kwa sasa muamko umekuwa mdogo.

Kikwazo ni nini? Narejea tena ni kizazi kipya tu. Najua Siti and the band wapo, bendi bora kwangu niipendayo Mapanya band, sisi wengine tatizo ni nini?

Utaratibu wa Sauti za Busara upo wazi kama matamasha mengine ya kimataifa unaomba kushiriki mtandaoni (online), na msanii pekee ambaye alikuwa amepewa nafasi ya upendeleo kila mwaka hushiriki bila ya maombi katika tamasha hilo ni marehemu bi kidude kutokana na heshima kuu aliyoiweka.

Mwaka 2017 na 2019 tulimuona Fid Q hakuna ubishi huyu ni msanii mkubwa Afrika Mashariki, na sisi pia ni wasanii wakubwa ndani ya zanzibar na tunaheshimiwa nini shida katika kuomba?

  1. Hatujui utumiaji wa mtandao kuomba?
  2. Sisi ni wakubwa sana kiasi cha kuona kuomba ni kujishusha?
  3. Au kushiriki kwa kutumia live band ndio shida?

Ni maswali ambayo nimebaki nikijiuliza na nakosa majibu sababu kama uwezo wetu wa mitandao kama ni ku-post, likes na comments tunaweza. Kwanini tusitafute watu wakutusaidia na kama tunakimbia live band tusahau kuwa wasanii wakubwa kimataifa.

Ndugu zangu mcheza kwao hutunzwa, wenzetu wa filamu kila siku wanatukimbia katika kushiriki katika matamasha makubwa. Leo nikiwa nayaandika haya, kuna vijana kutoka hapa hapa visiwani  ndugu Muddy Sule Mwanahisabati na Eddie Salum TZ, wanaelekea Kenya kwasababu ya kutumia mtandao na wanawania tuzo ya filamu huko.

Hebu tuamkeni na tuelewe ya kuwa hili tamasha ni zaidi ya Fiesta au Wasafi kutokana na ukubwa wake duniani. Na tusipoamka huenda ikakutokea wewe msanii wa heshima katika tamasha hili kama ilivyokuwa kwa Bi Kidude

Zenji255 inapenda kumpongeza Ison na uongozi mzima wa Stone Town Records.

Categories
Z! Extra

Rais Dk. Shein asema serikali imejidhatiti kuendeleza mapinduzi ya ilimo

Rais wa Zanzibar na Mwenyekiti wa Baraza la Mapinduzi, Dk. Ali Mohamed Shein amesema serikali imejidhatiti kuendeleza kwa vitendo Mapinduzi ya Kilimo kwa kuwapa taaluma ya kilimo bora wakulima, wafugaji na wavuvi, pamoja na kuendeleza huduma za ugani.


Dk. Shein amesema hayo katika ufunguzi wa Maonesho ya siku ya chakula Duniani, yaliofanyika katika viwanja vya Chamanangwe, Mkoa Wa Kaskazini Pemba.
Amesema Serikali inaendelea kuweka mazingira mazuri ya kibiashara ili kuwawezesha wafanyabiashara kuingiza na kuuza zana, vifaa na pembejeo za kisasa kwa wakulima kwa urahisi.
Aidha, Dk. Shein amesisitiza haja ya wakulima kulima kwa kuzingatia matumizi ya mbinu za kisasa za kilimo pamoja na kufuata maelekezo ya wataalamu.
Aidha, amewataka Wakuu wa Wilaya kote nchini kuongeza kasi ya mashirkiano na Wizara ya Kilimo, Maliasili, Mifugo na Uvuvi, sambamba na kusimamaia ipasavyo maendeleo ya kilimo katika Wilaya zao.


Mapema, Waziri wa Kilimo, Maliasili, Mifugo na Uvuvi, Mmanga Mjengo Mjawiri, amesema Wizara hiyo kwamashirikiano na Wizara ya Elimu na Mafunzo ya Amali imejidhatiti kuendelea kutoa elimu kwa wananchi katika sekta za kilimo, mifugo na uvuvi juu ya lishe bora pamoja na matumizi endelevu ya rasilimali zilizopo, sambamba na kuwataka wananchi, hususan vijana kutumia maonesho hayo kupata ujuzi.

Categories
Z! Extra

TMA imetoa tahadhari ya kuwepo vipindi vifupi vya mvua kubwa

Mamlaka ya hali ya hewa Tanzania TMA imetoa tahadhari ya siku 5 ya kuwepo kwa vipindi vifupi vya mvua nyingi katika mikoa ya ukanda wa Pwani, Visiwani Zanzibar na Kusini mwa Tanzania


Kwa mujibu wa taarifa iliyotolewa TMA imeonesha jana kwa mikoa ya Dar es salaam, Tanga, Pemba, Unguja na Kaskazini mwa Morogoro kulikuwa na mvua kali.
TMA pia imetoa angalizo kwa wakazi wa mikoa ya Lindi na Mtwara kwa kusema kuwa kutakuwa na upepo na mawimbi makubwa.
Tahadhari ya uwepo wa mvua kubwa na mawimbi makubwa imetolewa hadi Jumamosi ijayo.

 

Categories
Z! Extra

“Serikali ya Zanzibar iko tayari kushirikiana na Serikali ya Ras Al Khaimah” – Rais Dk. Shein

RAIS wa Zanzibar na Mwenyekiti wa Baraza la Mapinduzi Dk. Ali Mohamed Shein ameeleza kuwa Serikali ya Mapinduzi ya Zanzibar iko tayari kushirikiana na Serikali ya Ras Al Khaimah katika kuanzisha programu ya mafunzo kwa walimu wa Zanzibar.

Rais Dk. Shein ameyasema hayo leo wakati alipokutana na ujumbe wa Taasisi ya Sera na Utafiti ya Sheikh Saud Bin Saqri Al Qasimi huko katika ukumbi wa Hoteli ya Waldorf Astoria iliyopo mjini Ras Al Khaimah.

Ujumbe huo umekuja kufuatia agizo la Mtawala wa nchi hiyo alilolitoa kwa Msaidizi wake wa masuala ya elimu siku ambayo Mtawala huyo alikutana na kufanya mazungumzo na Rais Dk. Shein katika ukumbi wa Kasri yake iliyopo Aldhait mjini Ras Al Khaimah.

Katika mazungumzo hayo, Rais Dk. Shein ameualika uongozi wa Taasisi hiyo kuja Zanzibar kwa lengo la kukutana na uongozi wa Wizara ya Elimu pamoja na uongozi wa Chuo Kikuu cha Taifa cha Zanzibar (SUZA) ili kuona jinsi gani wanaweza kushirikiana katika kutoa mafunzo ya kuwajengea uwezo walimu wa Zanzibar.

Rais Dk. Shein ameeleza kuwa hatua hiyo itaiwezesha Wizara ya Elimu kutoa vipaumbele vya mahitaji waliyonayo ili iwe rahisi kutekeleza programu hiyo jambo ambalo litaisaidi Taasisi hiyo kutambua vipaumbe vya Zanzibar na hatimae kurahisisha utekelezaji wa programu hiyo.

Nae Mkurugenzi Mtendaji wa Taasisi hiyo ya Sera na Utafiti ya Sheikh Saud Bin Saqr Al Qasimi Natasha Ridge, ameeleza kuwa Taasisi hiyo pia, inajishughulisha na utoaji wa mafunzo ya kitaalamu ya kuwajengea uwezo walimu kuanzia ngazi ya Msingi hadi Sekondari.

Hata hivyo uongozi wa Taasisi hiyo uko tayari kuja Zanzibar mnamo mwezi wa Novemba mwaka huu kwa ajili ya kukutana na uongozi wa Wizara ya Elimu pamoja na uongozi wa Chuo Kikuu cha Taifa cha Zanzibar (SUZA) ili kuangalia vipaumbelea ambavyo wao wataweza kuvifanyia kazi katika kutoa mafunzo hayo.

Categories
Z! Extra

Wawili wazuiliwa na polisi kwa kuwaua watoto waliofanya ‘haja kubwa hadharani’

Roshini, 12 na Avinash 10 walishambuliwa siku ya Jumtano walipopatikana wakifanya haja kubwa karibu na barabara moja ya kijijini, walisema.

Familia ya watoto hao waliambia BBC Hindi kwamba hawana vyoo nyumbani. Mamilioni ya raia wa India hufanya haja kubwa hadharani swala ambalo huwaweka watoto na wanawake hatarini.

Dalits wapo katika mfumo wa chini wa Hindu na licha ya kuwa na sheria za kuwalinda, wanakumbwa na ubaguzi nchini India.

”Watoto hao wawili walipigwa hadi kufa na fimbo”, afisa wa polisi Rajesh Chandel aliambia mwandishi wa BBC Shuraih Niazi.

“Tumewawekea shtaka la mauaji wote wawili. wanahojiwa”. Saa chache baada ya shambulio hilo siku ya Jumatano asubuhi , maafisa wa polisi waliwakamata wanaume wawili – Rameshwar Yadav na Hakim Yadav.

Roshni na Avinash walikuwa binamu , lakini Roshni alikuwa amelelewa na wazazi wa Avinash na kuishi nao. Babake Avinash, Manoj, anasema kwamba kama mfanyakazi wa kila siku , hana uwezo wa kujenga choo katika nyumba yake.

Pia anasema kwamba ameshindwa kupata ruzuku ya serikali kama mpango wa kuwajengea vyoo watu masikini. Programu ya Swachh Bharat Mission au mpango wa usafi wa India unataka kumaliza haja kubwa za hadharani na kuimarisha usafi nchini humo.

Wakati waziri Mkuu Narendra Modi alipozindua mpango huo mnamo 2014, aliapa kuifanya India kuwa eneo la kufanya haja kubwa hadharani kufikia 2 Oktoba 2019. Kijiji cha Manoj – Bhavkhedi – kimetangazwa “kuwa kijiji ambacho hakina watu wanaofanya haja kubwa hadharani , jina mbalo serikali imekuwa ikivipatia vijiji na miji ambayo imefanikiwa kuzuia haja kubwa hadhrani.

Utafiti umeonyesha kuwa huku ujenzi wa vyoo ukiongezeka kwa kasi kubwa , ukosefu wa maji, utunzaji duni na mabadiliko ya polepoole ya tabia yamekuwa kikwazo kikuu cha kumaliza tatizo hilo.

Lakini wengi wamempongeza Bwana Modi kwa kuangazia suala hilo na kuzindua mpango huo mkubwa – ambapo wakfu wa Bill na Melinda Gates ulimtuza wiki hii , akielezea ujumbe huo wa Swachh Bharat kama “mfano kwa nchi zingine ulimwenguni ambazo zinahitaji kuboresha haraka kufikia huduma za maji safi miongoni mwa watu maskini duniani.”

Categories
Z! Extra

Wanawake waandamana kuiomba serikali iwatafutie waume

Amini usiamini Nigeria ina upungufu wa wanaume wa kuoa!! Kiasi kwamba wanawake wanaotamani kupata wenza na kutengeneza familia wameamua kuchukua hatua. Zaidi ya wanawake elfu 8 walio single wiki iliyopita waliandamana kutokana na upungufu wa wanaume wa kuwaoa.

Lengo la maandamano yao ni kuishinikiza serikali kuwasaidia waolewe, kivipi? (Ndio swali hata mimi nimejiuliza!)

Wanawake waliojikusanya na kuandamana ni mkusanyiko wa 5380 waliopewa talaka, 2200 ni wajane 1200 yatima, na 80 wengine. Wanawake hao wamedai kuwa hawana uwezo hata wa kununua chakula cha siku kwa sababu hawana wanaume wa kuwasaidia

Categories
E! News

HARMONIZE AANDIKA BARUA YA KUOMBA KUVUNJA MKATABA WCB


Huwenda ndoto za watu waliokuwa wanatamani kuona Harmonize akitoka wcb zimetimia na huwenda ni kiini macho kauli ya SALAMI Sk kauli hii inanirejesha kwanye posti yetu tulio wahi kuposti takribani miezi miwili iliyopita.
bado nasema ningumu sana kwa konde kutoka wcb haya aliyosema salami kama nikweli basi jua nijambo la kibiashara na kunamtu anaandaliwa mazingira ya kupigwa vita mfano kama harmonize atatoka hii niwazi stori kubwa itakuwa kuizungumzia wcb na konde gang unapata picha yaani itakuwa imepoteza kuzungumzwa Diamond na Ali kiba na ikifika hapa sasa lile lengo la wcb kuidhihirishia dunia kwamba wao ndio wameubadilisha muziki na ndio wanautawala litakuwa limefanikiwa. kumbuka huu ni mtazamo tu sasa twende kwenye taarifa iliyo tikisa katika tasnia ya bongoflava

Akizungumza na runinga ya Wasafi, afisa mkuu mtendaji wa WCB Sallam SK alias Mendez alifichua kwamba msanii huyo ameandika rasmi kwa kundi hilo akisema anataka kujiondoa.
Sallam amesema kwamba kwa sasa moyo wa msanii huyo haupo tena na WCB na ameitisha mkutano na usimamizi wa WCB katika harakati yake ya kukubaliana na hatua hiyo.

“Harmonize kwa sasa moyo wake haupo WCB, kimkataba bado yupo. Kwa nini nasema hivo? Harmonize ameshatuma barua ya maombi ya kuvunja mkataba na yuko tayari kupitia vipengele vyote vya sheria kusitisha mkataba wake na ni kitu ambacho tumependezewa nacho. Yeye mwenyewe ameridhia na ameomba kikao na uongozi,” alisema Sallam.

Hatahivyo amesema kwamba muimbaji huyo wa wimbo ‘My Boo’ bado yupo katika mkataba wa WCB na kusisitiza kwamba ingekuwa heri iwapo Harmonise angetoka bila kuzua zahama.

“Sisi kama taasisi ya WCB tuko radhi kwa kile ambacho ataamua, hatuwezi kupinga chochote. Akiamua kufuata maelezo hayo ana baraka asilimia 100 za Wasafi na akitaka kushirikiana na Wasafi wakati wowote tuko wazi. Wajua unapoondoka kwa mazingira mazuri inasaidia uhusiano usalie pale pale,” alizungumza katika .

Kulingana na Sallam, tangazo hilo kwamba Harmonize amejiondoa rasmi WCB litatangzwa rasmi baada ya mchakato wote huo kufuatwa na kukamilishwa

“Siku ambayo atatoka kimkataba tutaangazia umma. Kwa sasa hivi ameandika barua. Nafasi yake imetoka WCB. Kufanya kazi ndani ya WCB, ndani ya moyo wake, haiko radhi tena,” aliongezea Sallam.
Sallam amesema katika tamasha la wasafi lililofanyika mjini Mwanza, kwamba Harmonise alitumia usafiri wa kibinafsi kufanya baadhi ya mambo yaliotoa tafsiri kwamba amejitenga.

”Alitufanyia mambo mengi ambayo hatukutarajia ikiwemo kumsimamisha msanii ambaye hana kibali chetu. Sisi hatupendi kuleta matabaka katika kundi letu lakini kama ilivyokuwa Harmonise aliingia kivyake, sio kwamba Diamond hawezi kufanya hivyo au Rayvany ni ile heshima kwamba WCB ina umoja na kwamba tunafuata sheria zilizopo”.

”Hatahivyo tumependezwa na hatua yake kwa sababu labda kuna vitu ameona akivifanya atafika mbali”, amesema Sallam akinukuliwa na gazeti la Mwananchi Tanzania.

Kuhusu kujitenga na wenzake Sallam amesema kwamba: Hili jambo sio sawa kulingana na maudhui ya tamasha hilo.
Maudhui ya Wasafi festival ni umoja. Msanii akiamua kuacha kuandamana na wasanii wenzake ambao wapo katika tamasha ni kwenda kinyume.

Meneja huyo amewaomba radhi wasanii wote walioshiriki tamasha la Mwanza kutokana na Harmonise kufanya jambo hilo na kwamba uongozi wa Wasafi haukuwa na taarifa.

Categories
Z! Extra

KESI YA KUVULIWA UBUNGE LISSU ITAANZA KUSIKILIZWA KESHO

Kesi ya kupinga kuvuliwa ubunge iliyofunguliwa na aliyekuwa mbunge wa zamani wa Singida Mashariki, Tundu Lissu, inatarajiwa kuanza kusikilizwa kesho.


Hati ya kuwaita pande mbili imetolewa jana na Mahakama Kuu Kanda ya Dar es Salaam ikiwaita wahusika kufika katika shauri hilo linalosikilizwa mbele ya Jaji Sirilius Matupa.
Lisu amefungua shauri hilo chini ya hati ya dharura, kupitia kwa kaka yake Wakili Alute Mughwai, ambaye amempa mamlaka ya kisheria kufanya hivyo.

Katika hati ya dharura, Lissu anaiomba mahakama hiyo isikilize na kutoa uamuzi wa maombi yake haraka kwani vinginevyo, Mtaturu ambaye alitangazwa na msimamizi wa uchaguzi wa jimbo hilo, ataapishwa kushika wadhifa huo.
Hivyo anadai atakuwa ameathirika kwa kuwa atapoteza haki zake zote, kinga na masilahi yake yote yanayoambatana na wadhifa wake huo wa ubunge.

Categories
Music

New Music: Abramy The Voice x Smile TheGenius – Kunywa

Kwa muda mrefu wasanii waliokuwa wakifanya kazi kwa pamoja chini ya mwamvuli wa wavanilla kabla ya kuvunjika Abramy na Smile wasaniii hawa hawakufanya kazi ya pamoja kwa muda mrefu sasa wamekuja na wimbo mpya uitwao kunywa wimbo umetayarishwa katika kiwanda cha muziki serious music chini ya mtayarishaji Chidy Master
sikiliza kisha tupe maoni yako je unadhani kunahaja ya wavanilla kurudi

Categories
Z! Extra

Meli ya Mt. Mkombozi II yawasili Zanzibar

Rais wa Zanzibar na Mwenyekiti wa Baraza la Mapinduzi Dk. Ali Mohamed Shein amesema kuwa ahadi aliyoitowa kwa wananachi wa Zanzibar kununua meli mpya ya mafuta MT MKOMBOZI II imetimia ambapo meli hiyo imewasili Zanzibar ikitokea Shanghai nchini China.

Rais Dk. Shein akiwa Ofisini kwake Ikulu mjini Zanzibar alipata fursa ya kuiona meli ya MT MKOMBOZI II ikiwasili kutoka ukingoni mwa pwani ya Zanzibar ikitokea usawa wa kisiwa ch Chumbe na kuelekea katika Bandari ya Malindi Mjini Unguja ilipokwenda kutia nanga.

Akiwa katika faranda ya jengo la Ikulu mjini Zanzibar Rais Dk. Shein alionekana akiwa na furaha kubwa wakati akiiangalia meli hiyo ikiwasili ikiwa ni kutokana na ahadi aliyoitoa na azma yake juu ya ujio wa meli hiyo mpya ya mafuta.

Meli hiyo iliyotengenezwa na Kampuni ya Damen Shipyard ya nchini Uholanzi imewasili rasmi katika Bandari ya Malindi Zanzibar majira ya saa saa tano za asubuhi na kupata mapokezi ya aina yake.

Wafanyakazi wa Wizara hiyo na viongozi wao pamoja na wafanyakazi wa taasisi nyengine za Serikali na sekta binafsi waliungana pamoja na baadhi ya waandishi wa habari waliohudhuria katika eneo la Bandari ya Malindi mjini Zanzibar kwa ajili ya mapokezi ya meli yao hiyo.

Mapema Katibu Mkuu wa Wizara ya Ujenzi, mawasiliano na Usafirishaji Mustafa Aboud Jumbe akitoa taarifa kwa wananchi huko ofisi kwake Kisauni, amethibitisha ujio wa meli hiyo na kueleza jinsi hatua mbali mbali zilizochukuliwa katika mchakato wa kununuliwa meli hiyo na Serikali ya Mapinduzi ya Zanzibar hadi kuwasili kwake hapa nchini.

Katibu Mkuu huyo amesema kuwa meli mpya MT UKOMBOZI II, ni meli mpya ambapo majadiliano juu ya ujenzi wa meli hiyo yalianza mwaka 2017 na mkukuku wake uliwekwa rasmi mwezi Julai mwaka 2018 na hatimae meli hiyo ujenzi wake ulimalizika mwezi April mwaka huu
2019.

Jumla ya Dola za Marekani 30.4 zilitumika kutengenezea meli hiyo ambapo ujenzi wake hadi kukamilika ulichukua miezi 18 ambapo meli hiyo ya MV MAPINDUZI II ina uwezo wa kuchukua abiria 1200 pamoja na tani 200 za mizigo.